Velkomin á Bláaberg.

Á Bláabergi eru börn fædd 2015 og kallast hópurinn Mánahópur. Á deildinni er mikið unnið með frjálsa leikinn. Börnin velja sér svæði til leikja og geta hætt leik og farið í annan þegar þau vilja, einu takmörkin eru fjöldi barna á svæðum.

Í leiknum geta börnin valið að leika á Bláabergi eða Grænuhlíð sem er deild með börnum fæddum 2014. Þar er úrval af leik- og námsefni, snjalltæki, einingakubbar og Heimaland sem er herbergi inn af deildinni. Í Gjánni geta þau valið holukubba, hlutverkaleik, málörvun, vísindi og stærðfræði. Í Gjánni sameinast börn frá öllum deildum leikskólans. Útinám er í boði í vali tvisvar sinnum í viku.Á sumrin bætist við smíðakrókur þar sem börnin smíða frjálst með verkfæri. Þau fara markvisst í hreyfisal einu sinni í viku og í maí færast hreyfistundir barnanna út. Lilstasmiðjan hefur færst inn á deild en þar hafa börnin daglegan aðgang að efnivið sem efla gróf-, fínhreyfingar og sköpunarhæfni barnanna.

Mánahópi er skipt í smærri hópa þegar farið er í samveru- , skipulagða verkefna- og kyrrðarstund. Í samverustund er meðal annars farið yfir veðurfræðing, farið í leiki, sungið, börnin tjá sig og læra að hlusta á aðra. Söngstund er skipulögð tvo daga í viku sem og Markviss málörvun. Aðra daga er farið í Hringekju sem er skipulögð verkefnastund. Öll börn fara í kyrrðarstund einu sinni í viku þar sem markvisst er unnið með rósemd og umhyggju. Skipulögð útivera er á hverjum degi.

Netfang bláabergs er blaaberg@skolar.is

Hér má sjá fréttir af deildinni okkar

© 2016 - Karellen