Velkomin á Grænuhlíð.

Á Grænuhlíð eru börn fædd 2014 og kallast hópurinn Stjörnuhópur. Á deildinni er mikið unnið með frjálsa leikinn. Börnin velja sér svæði til leikja og geta hætt leik og farið í annan þegar þau vilja, einu takmörkin eru fjöldi barna á svæðum.

Í leiknum geta börnin valið að leika á Grænuhlíð og á Bláabergi sem er deild með börnum fæddum 2015. Þar er úrval leik- og námsefnis, snjalltæki, einingakubbar og Heimaland sem er herbergi inn af deildinni. Í Gjánni geta þau valið holukubba, hlutverkaleik, málörvun, vísindi og stærðfræði. Í Gjánni sameinast börn frá öllum deildum leikskólans. Útinám er í boði í vali tvisvar í viku. Á sumrin bætist við smíðakrókur þar sem börnin smíða frjálst með verkfæri. Þau fara markvisst í hreyfisal einu sinni í viku og listasmiðja hefur færst inn á deild en þar hafa börnin daglegan aðgang að efnivið sem efla gróf-, fínhreyfingar og sköpunarhæfni barnanna.

Stjörnuhópi er skipt í tvennt í samverustund þar sem farið er yfir veðurfræðing, farið í leiki, sungið, börnin tjá sig og læra að hlusta á aðra. Einnig er farið í verkefnavinnu einu sinni í viku. Söngstund er skipulögð tvo daga í viku sem og læsisstund. Öll börn fara í kyrrðarstund einu sinni í viku þar sem markvisst er unnið með rósemd og umhyggju. Skipulögð útivera er á hverjum degi.

Stjörnuhópur tekur þátt í verkefninu Brúum bilið sem er samstarfsverkefni skólanna í Grindavík. Börnin fara í reglulegar heimsóknir í skóla og stofnanir bæjarins og vinna ýmis verkefni í leikskólanum.

Netfang Grænuhlíðar er graenahlid@skolar.is

Hér má sjá fréttir af deildinni okkar

© 2016 - Karellen